Sund kommune ligg sør på Sotra, 3 mil sørvest for Bergen. Kommunen har om lag 7000 innbyggjarar. Forvaltingsspråket i kommunen er nynorsk. Kommunen har eitt sokn, og to kyrkjer. Fellesrådet har i alt 6 årsverk. Sund kyrkjelyd er ein del av Vesthordland prosti som består av Fjell, Sund, Øygarden og Askøy kommunar. Kyrkjekontoret ligg i Sund kyrkje i Klokkarvik.
Vi har ledig ein full stilling som diakon i Sund sokn - Sund kyrkjelege fellesråd
Diakonen sine oppgåver:
- Diakonen leier kyrkjelyden si diakoniteneste og har medansvar for å rekruttera, utrusta og rettleie frivillige medarbeidarar
- Utforma, planlegga og gjennomføra kyrkjelyden sin plan for diakoni
- Liturgiske oppgåver i samband med gudstenestar og kyrkjelege handlingar
- Samtaleteneste/sjelesorgsarbeid
- Bidra med diakonale tenester inn i trusopplæringa
- Barne- og ungdomsarbeid, til dømes myldredag, Betweens-klubb og liknande
- Prostisamarbeid som til dømes sorggrupper og samlivskurs
Kvalifikasjonskrav:
- Utdanning i samsvar med tenesteordninga for diakonar – Master i diakoni.
- Dersom det ikkje melder seg kandidatar som fyller vilkåra vil søkarar med anna relevant utdanning, minimum 3-årig helse- og sosialfagleg eller pedagogisk utdanning kunne verte vurderte. Tilsetting føreset skriftleg avtale om gjennomføring av masterutdanning.
- Relevant erfaring
- Personleg dugleik vil bli tillagt stor vekt
Ved tilsetting vert det mellom anna lagt vekt på:
- Evne til å skapa tillit i møte med menneske i ulike livssituasjonar
- Særleg motivasjon i høve til barne- og ungdomsarbeid
- Formidlingsevne og samarbeidseigenskapar
- Evne til å arbeida strukturert, sjølvstendig og målretta
Sund sokneråd kan tilby:
- Variert og meiningsfylt arbeid i eit positivt miljø
- Tilsetting på vanlege vilkår
- Pensjonsordning i KLP
- Fleksibel arbeidstid
Søkar må vere medlem av Den norske kyrkje, og lojal mot kyrkja si vedkjenning. Løn etter avtale og kvalifikasjon. Stillinga vil kunna krevje noko helge- og kveldsarbeid. Krav til politiattest.
For nærare opplysningar, kontakt kyrkjeverje Beate Husa tlf. 92 68 37 71.
Søknadsfrist 21. april . Attestar og vitnemål kan takast med på eventuelt intervju.
Søknad og CV vert å senda til:
Sund kyrkjekontor, Kyrkjevegen 30, 5378 Klokkarvik
