Sokneprest i Øvre Telemark prosti med Seljord sokn som tenestestad

Soknet sin profil

I Seljord er kyrkje og folk knytt tett saman med særleg stor oppslutning ved kyrkjelege handlingar som dåp, brudevigsler og gravferder. Det er også eit nært og godt samarbeid mellom kyrkjelyden og organisasjonane på Misjonshuset. Samarbeidet er også godt med pinsevennene i bygda, med fleire felles arrangement gjennom året. Det er også godt samarbeid med det lokale kulturlivet.

Soknepresten jobbar saman med organist, diakon, kyrkjeverje og to kyrkjetenarar. I tillegg er staben samlokalisert med prosten i Øvre Telemark og staben til konfirmant- og leiartreningsprogrammet Ønsket og Elsket.

Soknepresten held 52 gudstenester kvart år og om lag 35 gravferder. Det er rundt 25 konfirmantar kvart år, og det er soknepresten som har ansvar for desse, i samarbeid med diakonen. Om lag halvparten av konfirmantundervisninga skjer lokalt, medan den andre halvparten skjer i regi av Ønsket og Elsket på deira arrangement.

Soknepresten har fast sete i soknerådet og samarbeider også med frivillige medarbeidarar knytt til gudstenester, diakonalt arbeid og konfirmantarbeid. Dei 20 prestane i prostiet møtest til jamlege fagsamlingar og konvent, og det er gode samarbeidsforhold.

Kyrkjelyden sin visjon er Kyrkje for alle.

Gudstenestelivet

Kyrkjelyden har i lengre tid jobba godt med å synleggjere dåpen og inkludere dåpsfølgja på ein god måte i gudstenestene. Konfirmantane gjer ministrantteneste og det eit fast korps av frivillige medliturgar. Fleire trusopplæringstiltak er også knytt til gudstenester.

Arbeidsoppgaver

• Gudstenester og kyrkjelege handlingar
• Hovudansvar for konfirmantarbeidet
• Kyrkjelydsbyggjande arbeid saman med soknerådet

Kvalifikasjoner

• Cand. theol eller oppfyller kvalifikasjonskravet beskrive i tjenestordningen for kyrkjelydsprestar §3
• Praktisk teologisk utdanning
• Medlemskap i Den norske kyrkja

Personlige egenskaper

• Gode samarbeidsevner
• Gode kommunikative evner
• Engasjement for ungdom

Vi tilbyr

• Løn som sokneprest i stillingskode 1555
• Etter- og vidareutdanning
• Godtgjersle etter gjeldande satsar
• Medlemskap i kollektiv pensjonsordning KLP. Les meir om offentleg tenestepensjon på www.klp.no
• Arbeidsvegleiing (ABV)
• Det er tilbod om bustad eigd av Kirkens eiendomsselskap. Denne ligg vakkert til med stor hage i gangavstand til Seljord kyrkje.

For øvrig

Den som blir tilsett, må rette seg etter endringar i lovar, tariffavtalar, reglement m.m., samt avgjerder som kan påverke tenesta sine oppgåver, tenestestad og tenestedistrikt.

Målforma er nynorsk.

Søkjar må ha førarkort klasse B og disponere bil.

Det vil bli utarbeidd offentleg søkarliste etter offentleglova § 25, jf. kyrkjeordning for Den norske kyrkja § 42. Anmodning om å få sitt namn unntatt frå denne må grunngjevast i søknaden. Behandlingsgrunnlag etter personvernforordninga er artikkel 6 nr. 1 bokstav b og artikkel 9 nr. 2 bokstav b og g.

Ved tilsetjing blir det teke atterhald om at den som blir tilsett kan leggja fram ein tilfredsstillande politiattest (barneomsorgsattest).

Den norske kyrkja skal vere ein arbeidsplass med rom og respekt for mangfald, uavhengig av etnisitet, alder, kjønnsidentitet, funksjonsevne eller legning. Vi oppmodar derfor alle kvalifiserte kandidatar til å søkje.

Seljord ligg vest i Telemark, midt mellom fjell og vakker natur og er handelssenteret i Vest-Telemark og eit trafikknutepunkt mot både Oslo, Bergen, Grenland og Torp. For natur- og friluftsinteresserte byr bygda på badestrender og turterreng i skog og fjell. Kommunen har tett på 3.000 innbyggjarar og eit areal på 715 km2. Det er eitt kyrkjesokn i kommunen, men soknet eig fire kyrkjer: Seljord kyrkje (ca. 1180), Flatdal kyrkje (1664), Åmotsdal kyrkje (1792) og Manndal kapell (1954). Det vert også halde gudstenester i dei privateigde kapella Svartdal kapell (1959) og Nutheim kapell (1965). Sjå meir på nettsidene til kommunen (www.seljord.kommune.no) og Seljord sokn (www.seljordkyrkje.no)

Arbeidssted: Seljord kirke, Brøløsvegen 86, 3840 Seljord

Kontaktinformasjon:

Personalsjef: Lars Peder Holm
E-post: LH379@kirken.no
Tlf: 930 80 998

Prost: Asgeir Sele
E-post: asgeir.sele@seljordkyrkje.no
Tlf: 415 66 043