Ønskjer du ei utfordrande og nytenkjande stilling i Den norske kyrkja? Likar du å tenkja nytt? Likar du å arbeida med nye prosjekt? Ønskjer du å driva ungdomsarbeid på Jæren?
Kanskje er du den vi leitar etter og vil ha med på laget.
Bryne, Undheim og Time kyrkjelydar har gått saman om prosjektet «Ung i Time» og søkjer prosjektleiar/ungdomsprest i 100 % stilling. Dette er eit unikt høve for deg som ønskjer å arbeida med kyrkjelydsutvikling blant ungdom i Den norske kyrkja.
Prosjektet «Ung i Time» har som mål å etablera og utvikla eit kyrkjeleg tilbod for ungdom i kyrkjene i Time, Undheim og Bryne. Vi er på leit etter deg som ønskjer å driva relasjonsbygging med målgruppa, frivillige og tilsette medarbeidarar i kyrkjelydane. Vi er på leit etter ein leiar med god gründerånd. Ein som kan samordna og styrkja arbeidet vi nå driv, og samstundes tenkja nytt om korleis driva ungdomsarbeid i Den norske kyrkja i og på tvers av kyrkjelydane.
Prosjektleiar vil bli tilsett mellombels for tre år, med høve til forlenging. Prosjektleiar vil vera ein del av Brynestab, og dagleg leiar i Bryne har personalansvaret. Ei styringsgruppe med ein representant frå kvar kyrkjelyd leiar prosjektet.