Sokneprest i Øvre Telemark prosti med Fyresdal sokn som tenestestad
Fyresdal sokn samsvarar geografisk med Fyresdal kommune som har om lag 1300 innbyggjarar, og har eit areal på 1280km². Fyresdal er ein god plass å bu og trivast. Kommunen har rike friluftsmoglegheitar både til skogs og til fjells, med tilrettelagde stiar og løyper og rein villmark.Alle offentlege tilbod, butikkar, idrettsanlegg, skule, barnehage og symjehall er samla i eit landsbysentrum kalla Folkestadbyen. Samstundes har Fyresdal ein spreidd busetnad i mange grender. Fyresdal har eit aktivt kulturliv med mange tilbod innan idrett og musikk, og det er svært gode aktivitetstilbod til born og ungdom. Pinserørsla i Telemark har ein stor leirstad i sentrum, som er mykje brukt frå fleire delar av landet.
Om kyrkjelyden
Fyresdal er ein eitt sokns-kommune med to kyrkjer, Moland kyrkje (1843) og Veum kyrkje (1863). Totalt vert det halde 50 gudstenester og 15-20 gravferder i året. Staben er sett saman av sokneprest, kyrkjetenar i 100% stilling, kantor i 50% stilling og kyrkjeverje i 100% stilling. I kyrkjeverjestillinga ligg også klokkarteneste ved gudstenester og gravferder. Fyresdal kyrkjelyd samarbeider med fleire andre kyrkjelydar i Vest-Telemark om prostidiakon i 100% stilling.
Kyrkjekontoret er samlokalisert med kommuneleiinga og fleire private verksemder i Næringshagen, som ligg berre eit steinkast frå Moland kyrkje og Fyresvatn. Bygdesenteret Folkestadbyen ligg berre 300 m frå Næringshagen . På andre sida av kyrkja ligg prestebustaden, som presten vil kunne leige av OVF. Bustaden frå 1890-talet er ein stor bygning i to etasjar med 200m² grunnflate i kvar etasje. Bygningen vart totalrenovert i 2004, og det vart lagt inn jordvarme med varmepumpe, og oppvarminga er organisert med vassboren golvvarme i 1. etasje og radiatorar i 2. etasje. Bustaden ligg bare 100 m frå Fyresvatn som er om lag 3 mil langt.
Øvre Telemark romar 12 kommunar med 19,5 presteårsverk og prostesete i Seljord. Prestane møtest jamleg til tenestekonferansar og studiesamlingar, og det er svært gode samarbeidstilhøve.
Eit stort satsingsområde i prostiet er konfirmant- og leiartreningsprogrammet «Ønsket og elsket» med felles konfirmantleir om sommaren og helgesamlingar for ungdomsleiarar gjennom året.
Kyrkjelyden sin visjon
Kyrkja i Fyresdal – open og inkluderande
Satsingsområde
• Gudstenestene
• Barne- og ungdomsarbeid, særskilt konfirmantarbeidet
• Eldrearbeid
Tiltak
• Familiekor
• Friluftsgruppe
• Samlingar i kyrkjelydshuset føre ulike samlingar i kyrkja
• Lys Vaken, Tårnagentane
For øvreg
Den som vert tilsett må rette seg etter:
- Endringar i tenesteordning for sokneprestar og reglar om lønnsforhold og aldersgrense for geistlege tenestemenn.
- All avgjersle som måtte bli teken vedrørande tenesta og tenestestad.
Målforma er nynorsk, og den som søkjer må kunne stadfeste at han/ho kan nytta båe målformer.
Kvinner vert oppfordra til å søka.
Det kan bli stilt særlege krav til samlivsform i tråd med Lov om forbod mot diskriminering på grunn av seksuell orientering, kjønnsidentitet og kjønnsuttrykk § 16.
Ved tilsetting blir det teke atterhald om at den som vert tilsett kan leggja fram ein tilfredsstillande politiattest (barneomsorgsattest).
Arbeidsoppgåver
- Forkynning, gudstenester og kyrkjelege handlingar
- Andaktar med sosialt samvær og allsong på pleie -og omsorgssenteret
- Husbesøk til menneske som ønskjer samtale med presten
- Delta i trusopplæringsarbeidet og anna kyrkjelydsbyggjande arbeid
- Strategisk planarbeid saman med sokneråd og kyrkjeverje
Personlege eigenskapar
- God evne til å koma i kontakt med og samarbeida med andre, men som også har evne til å arbeide sjølvstendig
- Ein allsidig person som kan utføre alle slag tenester og arbeidsoppgåver når det trengst, men som samstundes har evne til å prioritera det viktigaste
Vi tilbyr
- Lønn som sokneprest i stillingskode 1555, LR45
- Etter- og vidareutdanning
- Godtgjersle etter gjeldande satsar
- Pensjonsinnskot
- Arbeidsveiledning