Bergen kirkelige fellesråd har ledig 50% fast stilling som kantor, med arbeidsstad for tida i Ytre Arna kyrkjelyd. Stillinga er ledig frå 01.07.2020.
Ytre Arna kyrkjelyd ligg i Åsane prosti og har ca. 1900 medlemer. Kyrkjelyden ligg midt i Ytre Arna med utsikt over Sørfjorden. Ytre Arna har ei rik historie tilbake til midten av 1800-talet då det vaks fram industri og bygda etter kvart vart eit viktig senter i landet tekstilarbeid. I de gamle industrilokala til tidlegare Arne fabrikker, finst blant anna flaggskipet strikkebedrifta Oleana. Staden har eige kulturhus med bibliotek, og kan by på eit rikt kulturliv, mellom anna et av Noregs eldste musikkorps, kor, musikkteater og skulekorps. Kyrkjelyden sjølv har kora Ytre Arna vokal og Ytre Arna barnevokal. Ytre Arna kyrkjekor vart for ein del år sidan, slege saman med kyrkjekoret i Arna og øver der. Det er eit godt samarbeid med indremisjonsforsamlingane/bedehusa i soknet, og med skule og barnehage. Ved sidan av kyrkja ligg kyrkjelydshuset som blant anna blir flittig brukt av den opne barnehagen vår, Noa.
Ytre Arna kyrkje er ei trekyrkje frå 1899 med 200 sitteplassar. Kyrkja har eit digitalt Johannus-orgel med 46 stemmer i Monarck Preludium-serien. Her er òg eit Yamaha C7 konsertflygel på 2,37m. Begge instrumenta er ca.10 år gamle. Ytre Arna kyrkjelyd søkjer ein kantor som saman med frivillige og tilsette har eit ønskje om å vidareutvikle kyrkjelyden. Vi ønskjer en kantor som har evne til å byggje nettverk. Ved å fortsette samarbeidet med gode ressursar i nærområdet, vil kantor medverke til å gjere kyrkja synleg i nærmiljøet.
Staben består av sokneprest (100% stilling), kyrkjetenar (50%), kantor (50%), trusopplærar (30%), diakon (25%), diakonimedarbeidar (25%) og administrasjonsleiar/medarbeidarkoordinator (90%). Arbeidet er prega av tett samarbeid om mange arbeidsoppgåver og det gjev rom for kreativitet og initiativ. Alle tilsette deltar i oppfølging av frivillige medarbeidarar.
Kantor vil bli tilsett i Bergen kirkelige fellesråd med administrasjonsleiaren som næraste overordna.
o Formelle kvalifikasjonar etter tenesteordninga for kantorar (anna relevant utdanning
og praksis vil kunne bli vurdert)
o Kreativ kyrkjemusikar med syn for ulike musikalske uttrykksformer
o Interesse og erfaring frå kyrkjelydsbygging og særlig evne til å inkludere barn og unge i det
kyrkjemusikalske arbeidet
o Gode evner til samarbeid og kommunikasjon
o Evne til å skape gode relasjonar til det frivillige musikklivet i soknet
o Meistre norsk flytande både munnleg og skriftleg
Arbeid ved høgtider, helg og kveldar etter arbeidsplan ligg som grunnlag for stillinga.
Det er gudsteneste cirka annankvar helg