Vi søker kantor / organist / kyrkjemusikar i 60 % fast stilling.
Aukra kyrkjelege fellesråd har ledig 60 % fast stilling som kantor/organist/kyrkjemusikar i Aukra sokn.
Aukra er ein eittsoknskommune med 3700 innbyggarar, der om lag 2550 personar bur på hovudøya Gossen og 1150 i fastlandsdelen Julsundet. Ferja mellom Gossen og Julsundet går jamleg og tek 12 minutt. Kommunen har godt utbygde servicetilbod, eit aktivt kultur- og idrettsliv og stor kristeleg aktivitet.
Aukra kyrkje er ei åttekantkyrkje i tømmer frå 1835 og ligg på Gossen. Kyrkja har eit 17 stemmers pipeorgel med to manualar og pedal frå frå 1995, levert av Th. Frobenius & Sønner.
Arbeidsoppgaver
- Leie det kyrkjemusikalske arbeidet ved gudstenester og andre kyrkjelege handlingar i Aukra kyrkje og kommunen elles.
- Samarbeide med andre tilsette om trusopplærings-, konfirmant-, diakoni- og anna kyrkjelydsarbeid
- Rekruttere og legge til rette for at frivillige i alle aldrar kan ta del i song- og musikklivet i kyrkjelyden
- Ha ansvar for konsertar og andre musikalske arrangement i samarbeid med kollegaer, frivillige og sokneråd
- Følgje opp kyrkjelyden si kyrkjemusikalske verksemd i tråd med soknerådet sine planar og prioriteringar
- Vere rådgivar for sokne- og fellesrådet i kyrkjemusikalske spørsmål
- Ha ansvar for tilsyn med og vedlikehald av kyrkja sine instrument og øvrige musikkutstyr
- Kvelds- og helgearbeid inngår i stillinga.
Kvalifikasjoner
- Kvalifikasjonskrav i samsvar med tenesteordning for kantorar eller minimum 3 års utdanning innan kyrkjemusikk. Anna musikalsk utdanning og erfaring kan også bli vurdert
- Allsidig orgel- og pianoferdigheit
- Meistre fleire musikksjangrar, vere komfortabel med samspel og ha kunnskap og erfaring med korleiing
- Evne til å organisere og gjennomføre prosjekt
- Gode kunnskapar om norsk salme-, liturgi- og gudstenestetradisjon
- Kunne norsk eller skandinavisk språk, munnleg og skriftleg
- Grunnleggande datakunnskap
- Må være medlem av Den norske kyrkja
Personlige egenskaper
- Engasjement for teamarbeid og å skape eit godt og inkluderande arbeidsmiljø
- Evne til å arbeide sjølvstendig
- Interessert i, og open for, musikalsk mangfald og tverrfagleg samarbeid
- Initiativrik, engasjert og inspirerande
- Personlege eigenskapar vil bli vektlagt
Vi tilbyr
- Godt arbeidsmiljø og stabsfellesskap
- Stort handlingsrom for skaping, samskaping og trivsel
- Kontor i kontorfellesskap på Aukra kyrkjelydshus
- Tilsetting og løn i samsvar med gjeldande avtaleverk for kyrkjeleg sektor
- Pensjonsordning i KLP
Søknad og kontaktinformasjon:
- Søknad med vitnemål og attestar sendast elektronisk via www.kirkejobb.no
- Prøvespel må påreknast
- Tilfredsstillande politiattest må kunne leggast fram ved tilsetting, jf. Trussamfunnslova § 20
- Prøvetid: 6 mnd.
- Kontaktpersonar: kyrkjeverje Anne Marie Sødal, e-post anne.sodal@aukra.kommune.no tlf. 468 40 719 eller leiar i Aukra sokne- og fellesråd Erlend Melby, e-post erlend.melby@korsvikbakken.com, tlf. 922 20 253
Vi gjer merksam på at vi også har ledig 40 % stilling som kateket / kyrkjelydspedagog. Dersom søkaren er kompetent og interessert, kan ulike kombinasjonar av stillingane diskuterast.
Kontaktperson
- Anne Marie Sødal
- Kyrkjeverje
- anne.sodal@aukra.kommune.no
- 468 40 719
To apply for this job please visit candidate.webcruiter.com.
