Kyrkjeverje/dagleg leiar, 1 års vikariat i 50-100% stilling

Kviteseid sokneråd lyser ut svangerskapsvikariat i 50 – 100% stilling som kyrkjeverje og dagleg leiar av soknerådet frå 1.november 2025 – 1.november 2026. Stillingsstørrelsen kan tilpassast.

Kvalifikasjonar:

Det er ønskjeleg at søkjarar har

• formell eller uformell kompetanse innan leiing, økonomi, personalarbeid og HMS
• kunnskap om offentleg forvalting og kjennskap til kyrkjeleg organisering

Personlege eigenskapar

Det vil bli vektlagt at søkjaren er personleg eigna. Den som vert tilsett må ha

• evne til samarbeid med både interne og eksterne aktørar
• evne til å balansere det å vera tydeleg mot det å vera smidig
• god munnleg og skriftleg framstillingsevne
• evne til å jobbe sjølvstendig

I tillegg må vedkomande ha innsikt i og engasjement for kyrkja sine kjerneoppgåver.

Arbeidsoppgaver

• Dagleg leiar for soknerådet si verksemd og drift av kyrkjekontoret
• Personalansvar for soknerådet sine tilsette
• Økonomisk og administrativt leiaransvar
• Sakshandsamar for soknerådet
• Ansvar for drift og vedlikehald av kyrkjer og gravplassar.
• Gravferdsadministrasjon

Vi tilbyr

• ei variert, utfordrande og meiningsfull leiarstilling
• løn etter avtale
• pensjonsordning gjennom KLP
• forsikringsordningar gjennom KLP
• kollegafellesskap på prostinivå, bispedømmenivå og landsnivå
• fast vikarordning i prostiet ved ferie og sjukdom

Arbeidssted: Kviteseidgata 13, 3850 Kviteseid, Hybridkontor

Søknadsfrist: 30. september 2025

Om Kviteseid Sokn

Kviteseid kommune ligg midt i Vest-Telemark og er det naturlege midtpunktet i regionen. Kommunen har om lag 2.500 innbyggjarar og omkransar Kviteseidvatnet, som er tilknytt Telemarkskanalen. Handels- og skulestaden Kviteseidbyen er eit tydeleg sentrum i kommunen. Kommunen har eit mangfald av kyrkjesamfunn som driv aktiv verksemd frå ulike forsamlingslokale, men i god forståing med kvarandre. Den private vidaregåande skulen Kvitsund Gymnas spelar ei viktig rolle i lokalsamfunnet. Den norske kyrkja har eitt kyrkjesokn i kommunen. I den tilsette kyrkjestaben samarbeider kyrkjeverja med sokneprest, organist, trusopplærar og 3 kyrkjetenarar/kyrkjegardsarbeidarar i deltidsstillingar. I kommunen er det 6 kyrkjebygg og 6 gravlundar. Kyrkjekontoret ligg i kommunehuset i Kviteseidbyen.