Vil du vere prest mellom fjord, fjell og frukthagar?
Ullensvang sokn søkjer ein engasjert og relasjonsbyggjande sokneprest som ønskjer å vere ein synleg del av lokalsamfunnet og utvikle ei levande folkekyrkje.
Her får du teneste i eit av dei vakraste kulturlandskapa i Noreg. Med Hardangerfjorden, fruktbløming, høge fjell og sterke kulturtradisjonar som ramme får du høve til å vere prest i ei bygd der kyrkja har ein naturleg plass i livet til mange menneske.
Ei levande kyrkje
Ullensvang sokn er ein del av Ullensvang kyrkjelege fellesråd, med åtte sokn og ein kompetent og engasjert stab. Vi legg vekt på samarbeid, openheit og eit godt arbeidsmiljø, og har verdiane tryggleik, tillit og tolmod som grunnlag for arbeidet vårt.
Ullensvang kyrkje er ei vakker mellomalderkyrkje med lange tradisjonar og eit rikt gudstenesteliv. Soknet har eit aktivt barne- og ungdomsarbeid, gode frivillige medarbeidarar og ønskjer å utvikle kyrkjelyden vidare i samarbeid med soknepresten. Soknepresten har tilgang til kontor i det gamle heradshuset i Kinsarvik i lag med sekretær, kyrkjelydspedagog og soknepresten i Kinsarvik. Det er tilsett diakon i fellesrådet.
I Hardanger og Voss prosti er det 15 prestar. Prosten leier prestetenesta og kallar jamleg inn til konvent for åndeleg fellesskap, sosialt samvære og fagleg fordjuping. Ofte står prestane sjølve for faglege innspel til drøfting mellom kollegar.
Vi ber om at søknad med CV, vitnemål og referansar vert sendt elektronisk via Webcruiter.
Arbeidsoppgåver
- Leie gudstenester og kyrkjelege handlingar
- Forkynne evangeliet og vere ein nær prest for menneske i alle livsfasar
- Delta i trusopplæring og konfirmantarbeid
- Samarbeide tett med sokneråd, tilsette og frivillige
- Bidra til utvikling av kyrkjelyden
- Ta del i prestetenesta i prostiet etter gjeldande ordningar for tenesteveker og beredskap
Kvalifikasjonar
- Cand.theol. med praktikum eller tilsvarande/master i teologi med praktikum
- Medlemskap i Den norske kyrkja
Personlege eigenskapar
- har eit varmt engasjement for kyrkja sitt oppdrag
- er trygg i forkynning og liturgi
- trivst med samarbeid og relasjonsbygging
- ser moglegheiter og ønskjer å utvikle kyrkjelyden saman med medarbeidarar og frivillige
- møter menneske med openheit, omsorg og respekt
- evne og vilje til samarbeid
- Søkjar må kunne samarbeide liturgisk med kollegaer uavhengig av kjønn eller teologisk usemje
Vi tilbyr
- Stillingskode 1555 sokneprest etter KA sitt tariffområde
- Medlemskap i kollektiv pensjonsordning KLP
- Reiseutgifter godtgjort etter gjeldande regulativ
- Til løna kjem særskilte regulativmessige godtgjersler
- Arbeidsrettleiing (ABV)
- eit inkluderande og godt arbeidsmiljø
- eit sterkt fagleg fellesskap med prestane i Hardanger og Voss prosti
Andre opplysningar
Søkjar bør ha førarkort klasse B og disponere bil.
Bjørgvin bispedøme skal vere ein arbeidsplass med rom og respekt for mangfald, uavhengig av kjønn, alder, etnisk bakgrunn, seksuell orientering og funksjonsevne. Vi oppfordrar alle kvalifiserte kandidatar til å søke.
Det vil bli utarbeida ei offentleg søkjarliste etter offentleglova § 25, jf. kyrkjeordning for Den norske kyrkja § 42. Dersom du ønskjer unntak for denne, må du grunngje det i søknaden. Søkjarlista kan bli offentleg sjølv om du ber om unnatak. Grunnlag for handsaming etter personvernforordninga er artikkel 6 nr. 1 bokstav b og artikkel 9 nr. 2 bokstav b og g.
Den som blir tilsett må vise tilfredsstillande politiattest (barneomsorgsattest) jf. politiregisterloven § 39 jf. trossamfunnsloven § 20.
Arbeidssted: Ullensvang, Norge
Kontaktinformasjon:
HR-sjef i Bjørgvin bispedøme: Therese Nesse Mokkelbost
Tlf: 936 12 276
Prost i Hardanger og Voss: Arild Hellesøy
Tlf: 906 99 533
Kontaktperson
- Therese Nesse Mokkelbost
- HR-sjef i Bjørgvin bispedøme
- 936 12 276
To apply for this job please visit candidate.webcruiter.com.
