Då vår noverande kyrkjeverje går over i prestestilling i Kinn vert det lyst ut etter ny kyrkjeverje frå 01.12. 2021.
Kinn strekker seg mot Stadhavet i nord og Svanøy i Sør og øya Kinn i vest og Jostedalsbreen i aust. Her bur det ca 17000 menneske. Eit frodig folk mot vest som er stolte over å tilhøyre kysten av Norge. Her er gode kommunikasjonsforbindelsar i lufta, på vatn og på land.
Kinn kyrkjelege fellesråd (KKF) er service- og forvaltningsorganet for Den norske kyrkja sine 6 sokn i Kinn kommune. Det er to sentra i kommunen Måløy og Florø. Det er difor to kyrkjekontor.
Kinn har 6 sokn, 7 vakre kyrkjer, 20 fine gravplassar spreidt utover. Folk er glade i kyrkjene og gravplassane sine.
Fellesrådet har i dag til saman om lag 20 tilsette, herunder kantorar, kyrkjetenarar, kyrkjelydsarbeidarar, kateket, gravplasstilsette, sekretær, avdelingsleiar og kyrkjeverje fordelt i Måløy og Florø. Det er to prestestillingar i Måløy og tre i Florø. Prestane er tilsette i Bjørgvin bispedømme.
KKF står for bygging, vedlikehald og drift av kyrkjebygg og gravplassar i Kinn kommune. Vi tek i vare administrative og økonomiske oppgåver for Den norske kyrkja sine kyrkjelydar i Kinn og er arbeidsgjevar for dei tilsette.
Kyrkja ønskjer å vere tenande og open folkekyrkje som er til stades i medlemmane sitt liv – og ein aktiv medspelar mellom anna i kommunen sitt omsorgsarbeid, kulturverksemd og barne- og ungdomsarbeid.
Innhaldet i stillinga vil bli utvikla i samarbeid med stillingsinnehavar i høve fellesrådet sine prioriteringar og intern organisering av Den Norske Kyrkja.
Den som vert tilsett vil verta beden om å leggja fram tilfredsstillande politiattest i medhald av politiregisterloven § 39 . Den tilsette bør kunne disponere eigen bil. Det vert gjeve reisegodtgjersle etter staten sitt regulativ.
Søknadsfrist: 23. august 2021
Kontakinformasjon:
Dag Almenning, leiar, 909 47 872
Erling Bakke Nydal, kyrkjeverje, 478 68 314