Det er ledig stilling som Prest under utdanning (PUU-stilling) med teneste i Aure, Stemshaug og Tustna sokn i Ytre Nordmøre prosti.

Stillinga er fast og vert lyst ut som ei rekrutteringsstilling innanfor ordninga Prest under utdanning. I stillinga er det sett av tid til studiar, normalt 40%. For å kunna gå inn i stillinga, kan du mangle maksimalt 120 studiepoeng på å oppfylla kvalifikasjonskrava for kyrkjelydsprestar. Det vert gjeve inntil 4 år for å fullføra studiane. 

Ved tilsetting utarbeidar du saman med arbeidsgjevar og studiestad ein individuell plan for studieprogresjon og arbeidsmengde. Undervegs i studiet følgjer du programmet for Vegen til vigsling (VTV), og får i tillegg oppfølging av ein personleg mentor som er ein erfaren prest. Ved fullført studieløp og VTV er du kvalifisert for å kunna vigslast til presteteneste i Den norske kyrkja, og du vil gå over i fast stilling som sokneprest i Aure, Stemshuag og Tustna sokn i Ytre Nordmøre prosti.

Etter fullførte studiar vert stillinga lønna etter vilkår i gjeldande tariffavtale for den aktuelle stillingstypen. Det vil normalt vera 2 års bindingstid etter studieperioden.

Dersom du ønskjer å søkja stillinga, må du kontakta ein utdanningsinstitusjon for å få ei stadfesting på at du er kvalifisert til opptak på aktuelle studiar. Du som søkjer stillinga vert oppfordra til å skissera eit konkret studieløp som ein del av søknaden.  Les meir om ordninga Prest under utdanning på kirken.no  eller ta kontakt med oss om du har spørsmål.

Om kyrkjelyden 

Kyrkja samarbeider godt med kommunen. Dei som er involvert i råd og utvalg er godt fordelt i alder og kjønn. Den lokale tilknytinga til kyrkje og kyrkjehus er viktig for folk, og samspelet mellom kyrkje og kulturliv er viktig i samfunnet vårt. Det er eit levande kristenliv i kommunen med eit godt og nært samarbeid med misjonsorganisasjonar og bedehusmiljø. 
 
Kyrkjekontoret har lokale i den vakre gamle prestegarden, som ligg sentralt plassert midt i Aure, omkransa av ein nydeleg hage med kort avstand til Aure kyrkje.
Kyrkja i  Aure er ein velfungerande organisasjon, og staben og arbeidsplassen bidrar til at det er lett å trivast.

Pr. i dag er det 7 tilsette i kyrkjeleg fellesråd.  Det er kyrkjeverje, organist, kyrkjetenarar, kyrkjegardsarbeidarar, sekretær på kontoret og trusopplærar (stillinga er ledig pt) 
Det er tre sokn i Aure kyrkjelege fellesråd.  Aure sokn med 1522 medlemmer, Stemshaug sokn med 487 medlemmer og Tustna sokn med 696 medlemmer.  Nynorsk er målføre i Aure og Stemshaug sokn, medan bokmål er målfoma i Tustna sokn.

Aure kyrkje er sentralt plassert i Aure, og ligg på ein kyrkjestad frå 900-tallet.  Aure kyrkje vart vigsla i 1924, og er ei nydeleg korskyrkje med element frå dei fyrste kyrkjene.  Kyrkja har 800 sitteplassar.  Stemshaug kyrkje vart vigsla i 1908 og er ei langkyrkje i stavkyrkjestil.  Stemshaug kyrkje har 288 sitteplassar.  Gullstein kyrkje er ei langkyrkje frå 1869.  Byggverket er i tre og det er 300 sitteplassar. Kyrkja er til ein viss grad utforma i stavkyrkjestil.

Les meir om kyrkja i Aure på https://aurekyrkje.no/ og https://facebook.com/KyrkjeneiAure

Søknad med CV, vitnemål og referansar sendes til vårt elektroniske system, Webcruiter. Dersom du ikkje ønsker namnet ditt på den offentlege søkjarlista, må dette grunngjevast i søknaden. Grunnane vil bli vurdert individuelt. Dersom bispedømeadministrasjonen ikkje finn dei tilstrekkelege, vert søkjaren kontakta før søkjarlista vert offentleggjort.