Rådgivar misjon, vennskapsarbeid, dialog og utgreiingsarbeid

Vikariat innan kyrkjefagfeltet i heil stilling, førebels for eit år.

Møre bispedømme vil at alle kyrkjelydane forstår seg sjølve som misjonerande og vil styrke fagområdet kyrkjelydsutvikling og samarbeidet mellom kyrkjelydane og organisasjonane. Bispedømmet er engasjert i vennskapavtalar med bispedømme i England og i Ungarn og arbeider aktivt for å utvikle den økumeniske dialogen i bispedømmet. Vi treng også fleire med utgreiingskompetanse og til å arbeide med høyringssaker og til å førebu saker til rådsorgana. Stillinga er knytt til kyrkjefagavdelinga.

Du støttar og engasjerer kyrkjelydane ved å integrere misjonale perspektiv i trusopplæring, diakoni og gudstenestearbeid og er pådrivar for å auke talet på misjonsavtalar. Du er ein fagleg ressurs for kyrkjelydane innan kyrkjelydsutvikling og arbeider for at misjon vert løfta opp og inkludert i strategiarbeid, planverk og arrangement i Møre. Du utviklar vennskapsarbeidet med Nordre bispedømme i Ungarn og med Newcastle bispedømme i England og er sentral i bispedømmet med omsyn til dialogarbeid.

Dersom ein søkjar ikkje ønskjer namnet sitt på den offentlege søkjarlista, må dette grunngjevast i søknaden. Grunnane vil bli vurdert individuelt, og dersom bispedømeadministrasjonen ikkje finn dei tilstrekkelege, vert søkjaren kontakta før søkjarlista vert offentleggjort.

Arbeidsoppgåver

Etablere, fornye og følgje opp misjonsavtalar mellom kyrkjelydar og organisasjonane
Planlegging og gjennomføring av fagdagar, kurs og arrangement.
Sekretær og sakshandsamar for SMM Møre.
ansvar for fagområdet kyrkjelydsutvikling
Utgreiingsarbeid og sakshandsaming for Møre biskop og Møre bispedømeråd.
Representere Møre bispedømme i regionalt STL-forum
Noko reising må reknast med
Utføre sakshandsaming innanfor eigne saksfelt. Alt etter behov, kompetanse og interesse kan det bli aktuelt å overføre saksområder mellom rådgivarane
Stillingen tek del etter turnus som adm. ressurs ved visitasar
Gi råd og framsnakke kyrkjelydane

Kvalifikasjonar

Høgskule/universitetsutdanning innan kyrkjefag, undervisning, diakoni eller teologi
Relevant erfaring kan erstatte manglande formalkompetanse
Kunnskap om og erfaring med bruk av sosiale medium
God skriftleg og munnleg formidlingsevne
God kjennskap til Den norske kyrkja, kristen tru og tradisjon
Medlem av Den norske kyrkja
Møre bispedøme har nynorsk som administrasjonsspråk og søkjar må opplyse om han/ho kan nytte både nynorsk og bokmål
Den som får tilbod om stillinga må leggje fram politiattest
Søkjaren må ha førarkort og disponere eigen bil

Personlege eigenskapar

Evne til tverrfagleg samarbeid og planlegging.
Gode samarbeidsevner, integritet og evne til å oppmuntre, inspirere og utfordre.
Fleksibel, evne til å ta initiativ, arbeide strukturert og sjølvstendig.

Vi tilbyr

Løn i stillingskode 1434 Rådgivar i tariffområde for KA. Godtgjersler og tilskot etter dei vilkår som til kvar tid er fastsette
Medlemskap i Statens pensjonskasse
Fleksibel arbeidstid
Gode kontorlokale sentralt i Molde. Ettersom fleire tilsette har lang arbeidsreise blir det lagt til rette for at ein kan ha lokal kontorstad, men med faste møtedagar ved kontoret i Molde
Den som vert tilsett må rette seg etter endringar i lover, tariffavtalar, særavtalar, reglement m.m. og andre avgjerder som kan ha verknad på gjeremåla i tenesta

For nærare informasjon om denne stillinga, kontakt stiftsdirektør Bjørn Olaf Storhaug eller avdelingsleiar kyrkjefag Arvid Helle.

Møre bispedømme omfattar Møre og Romsdal fylke og består av 96 sokn og 32 kyrkjelege fellesråd fordelt på 7 prosti. Møre bispedømmekontor er felles administrasjon for Møre biskop og Møre bispedømmeråd. Bispedømmerådet har plan-, budsjett- og økonomiansvar, fordeler ressursar, tilsett i prestestillingar og er godkjennings- og klageorgan. Møre biskop er tilsynsorgan for kyrkjeleg verksemd og tilsette, leier prestetenesta og er godkjenningsorgan for kyrkjer og lokalkyrkjeleg planverk.

Bispedømmekontoret er i tidsmessige lokale og ligg sentralt i Molde. Kontoret er delt i to fagavdelingar; Avdeling Kyrkjefag og Avdeling HR. Etter omorganisering er ein del merkantile funksjonar innanfor arkiv, økonomi/løn, IT og telefoni er lagt til nasjonale einingar som gjer oppgåver på vegner av bispedømma og Kyrkjerådet. All sakshandsaming og store delar av møtehandsaminga er fullelektronisk, tilsvarande gjelder for økonomi/løn og andre merkantile funksjonar.

Arbeidsgiver	Møre bispedømme
Kategori	Kirker og trossamfunn
Arbeidssted	Moldetrappa 1, 6415 Molde
Publisert	2021-10-05
Søknadsfrist	2021-10-29
Stillingstype	Vikariat, 100% heltid
Antall stillinger	1
Sektor	Offentlig